Agjenti i Ronaldos takohet me presidentin e klubit anglez

Agjenti i Cristiano Ronaldos, Jorge Mendes, është takuar me presidentin e Chelseas, Todd Boehly, në lidhje me një transferim të mundshëm të portugezit në Londër.

Sipas asaj që bëjnë të ditur mediet në Angli, lojtari është i pakënaqur me gjendjen aktuale të Manchester United dhe, për rrjedhojë po e shqyrton seriozisht mundësinë e largimit.

“Blutë” nga Londra janë seriozisht të interesuar për të dhe mbetet të shihet në ditët në vijim se si do të përfundojë kjo çështje, transmeton Teleshkronja Post.

Të interesuar për Ronaldon janë edhe Napoli, Roma dhe Bayern Munich.

Tani mediumi i njohur The Athletic shkruan se Chelsea, Bayern Munich dhe Napoli janë në garë për legjendën portugeze, pasi disa raporte sugjeruan se Roma po bënte një qasje për të./Teleshkronja Post/

Mbrojtësi holander De Ligt drejtë Bundesliga-s gjermane

Pasi u hap tregu i transferimeve i aftatit kalimtarë veror, numri i të interesuarve për De Ligt po rritet.

Mbrojtësi holandez ka shprehur dëshirën e tij për t’u larguar nga skuadra e Juventus dhe nuk do të rinovojë kontratë me ‘Zonjën e Vjetër’.

Chelsea është skuadra që e dëshiron lojtarin, por londinezët do të hasin në rivalitet me një tjetër gjigant evropian.

Mediat italiane shkruajnë se skuadra e Bayern Munich është ajo që ka nisur tentimet për De Ligt.

Thuhet se mbrojtësi ka kontaktuar me Julian Naglesmann dhe me drejtorin sportiv të Bayern, Salihamidzic.

De Ligt është impresionuar nga planet e dyshes së Bayern dhe mund të jetë pro një kalimi në ‘Allianz Arena’.

Juventus pritet të kërkojë 60-80 milionë euro për mbrojtësin 22 vjeçar, raporton Teleshkronja Post.

Kur do të debutoj uellsiani Gareth Bale në Amerike?

Senzacioni i këtij afati kalimtar – lojtari i ri i Los Angeles FC, Gareth Bale, do të luaj së bashku me yllin meksikan Carlos Vela dhe italianin Giorgio Chiellini.

Tani Los Angeles FC është lider në ligën amerikane MLS me 33 pikë, ndërsa ardhja e dy evropianëve e bën klubin si favorit për ta fituar titullin, transmeton TeleshkronjaPost.

Pas disa sezonesh me Real Madridin dhe pas faktit që ai ishte lojtari kyç që i ndihmoi Uellsit të rikthehej në Kupën e Botës, Bale mbërriti si lojtar i lirë në Los Angeles FC, por ajo që nuk dihet deri më tani nuk ka asnjë datë se kur do të debutoj

Duke pasur parasysh ardhjen e tij të fundit nga Europa, është e vetëkuptueshme që Bale nuk është ende gati për të luajtur këtë javë, kur LAFC do të përballet më 2 korrik kundër Montreal Whitecpaps./TeleshkronjaSport/

4 klube në rradhë presin syhapur për ta rrëmbyer CR7 nga Manchesteri

Napoli thuhet se është i interesuar për Cristiano Ronaldon, i cili ka kërkuar të largohet nga Manchester Unitedi dhe gara për të pritet të jetë e fortë me disa skuadra të mëdha evropiane.

Sipas mediumit The Times, pesë herë fituesi i Topit të Artë i tha Manchester Unitedit se dëshiron të lejohet të largohet nëse një ofertë e përshtatshme arrin këtë verë, kryesisht për shkak të dështimit të tyre për t’u kualifikuar në Ligën e Kampionëve.

Tani mediumi i njohur The Athletic shkruan se Chelsea, Bayern Munich dhe Napoli janë në garë për legjendën portugeze, pasi disa raporte sugjeruan se Roma po bënte një qasje për të.

Ndërsa Napoli ka përparësinë ndaj Romës në atë që është në Ligën e Kampionëve këtë sezon, kalimi në Stadio Diego Armando Maradona do të ishte ende tepër i pamundur.

Ai u largua nga Seria A vetëm vitin e kaluar nga Juventusi, rivalët më të mëdhenj të napolitanëve, ndërsa Napoli gjithashtu ka ndërmarrë një fushatë për uljen e kostove për të ulur faturën e pagave.

Kjo ka bërë që ata të lënë Lorenzo Insigne dhe Dries Mertens të largohen si lojtarë të lirë, ndërsa Kalidou Koulibaly mund të shitet nëse ai refuzon një ulje page.

Të gjithë këta elementë e bëjnë të pamundur idenë që Napoli të mbulojë pagën e Ronaldos, i cili fiton rreth 30 milionë euro në sezon.

Mund të ketë një mënyrë për të paguar për transferimin, që është se Napoli është i vetmi klub i madh në Itali që prodhon vetë fanellat e veta.

Prandaj, ata mund të mbledhin të gjitha fitimet nga shitja e tyre në vend që t’i ndajnë ato me një sponsor të fanellave.

Prishtina e kthen Pefqelin

Mesfushori Mërgim Pefqeli është prezantuar të enjten te skuadra e Prishtinës.

Klubi kryeqytetas ka njoftuar se Pefqeli ka firmosur kontratë dyvjeçare.

28-vjeçari sezonin e fundit ishte pjesë e Malishevës, ndërsa ka thënë se është i lumtur që po kthehet te Prishtina. Ai edhe më herët ka luajtur për Prishtinën, duke shënuar 12 gola në 75 paraqitje.

Po ashtu, Pefqeli ka bërë karrierë edhe te Llapi, Trepça ’89, Trepça, Hajvalia e Fushë Kosova.

Barcelona pret oferta për Memphis Depay

Klubi katalunas, Barcelona po pret oferta për sulmuesin holandez, Memphis Depay, i cili është në listën e lojtarëve që mund të largohen.

Sipas gazetës Sport, Barça do të dëgjojë ofertat prej 20 milionë euro ose më shumë për sulmuesin holandez, një vendim që ka shkaktuar disa debate brenda klubit.

Sulmuesi është i dobishëm për Xavin dhe ata do të përpiqen të rinovojnë marrëveshjen e tij nëse ai nuk largohet.

Por, gjithashtu është një mundësi e mirë për Barcelonën për të fituar para duke qenë se ka vetëm edhe një vit të mbetur në marrëveshjen e tij dhe dy sulmues të tjerë duhet të vijnë gjatë kësaj vere.

Tani për tani, klubi nga Camp Nou ka marrë një interes, por jo oferta konkrete për Memphisin.

Depay iu bashkua Barçës verën e kaluar si një transferim i lirë nga Lyon, duke nënshkruar një kontratë deri në vitin 2023.

Jo vetëm Sterling, Chelsea projekton transferimin edhe një tjetër ylli të Cityt

Chelsea thuhet se ka zhvilluar bisedime me Manchester Cityn për mundësinë e nënshkrimit të Nathan Ake si dhe Raheem Sterling.

Sportsmail raportoi të hënën se Todd Boehly kishte kontaktuar me kampionët e Ligës Premier me synimin për të përfunduar një marrëveshje për Sterlingun gjatë javës së ardhshme.

Anglezi ka zhvilluar tashmë diskutime pozitive me trajnerin e Bluve, Thomas Tuchel për mënyrën se si do të përdoret në Stamford Bridge, me atë bisedë që forcon dëshirën e 27-vjeçarit për t’u larguar nga Etihad Stadium.

Dhe The Telegraph pretendon se Boehly gjithashtu kërkoi një vlerësim për Aken, i cili ka lëvizur drejt majës së listës së tyre të nënshkrimeve të mundshme në mbrojtje.

Tuchel ishte i interesuar për nënshkrimin e Akes kur ai ishte në krye të Borussia Dortmundit dhe fakti që 27-vjeçari mund të luajë në anën e majtë të tre mbrojtësve për të zëvendësuar Antonio Rudigerin, si dhe të plotësojë në krahun e majtë dhe në mesfushë, është veçanërisht tërheqëse.

Ake kaloi shtatë vjet me Blues, duke iu bashkuar atyre në moshën 15-vjeçare.

Besohet se ai do të ishte i hapur për një rikthim, pasi nuk arriti të arrijë një pozicion të rregullt startues në Etihad.

Neymar u ofrohet top pesë klubeve – njëra ndër to është padyshim befasi e madhe

Neymar mund të largohet nga Paris Saint-Germain këtë verë, me kampionët e Ligue 1 që thuhet se e kanë ofruar tashmë atë te disa klube.

Pavarësisht se është lojtari më i shtrenjtë në historinë e futbollit, është e drejtë të thuhet se braziliani nuk i ka përmbushur gjithmonë pritjet, veçanërisht që kur u transferua te PSG.

Sulmuesi brazilian i kushtoi gjigantëve të Ligue 1, 222 milionë euro në vitin 2017 dhe deri më tani numri më i madh i paraqitjeve që ai ka bërë në një sezon është vetëm 31 dhe në dy sezone ai ka luajtur më pak se gjysmën e ndeshjeve të ligës.

Ardhja e Lionel Messit verën e kaluar po e lë nën hijen e mikut të tij të mirë, hija e të cilit u transferua në Paris – pasi e kishte edhe te Barcelona, ndërsa Kylian Mbappe është bërë ylli i Parc des Princes.

Mbappe nënshkroi një marrëveshje të re muajin e kaluar me klubin, në vend të lëvizjes së tij të pritshme te Real Madridi, dhe sipas raportimeve një premtim që iu bë lojtarit ishte se Neymar do të largohej.

Tani, sipas Footmercato, 30-vjeçari i është ofruar Juventusit, me Max Allegrin që e konsideron seriozisht sulmuesin si një opsion.

Eksperti i Juventusit, Luca Momblano, ka pohuar gjithashtu se ylli brazilian i është ofruar gjigantëve të Serisë A, të cilët po kërkojnë të kthehen në majë të futbollit italian dhe atë evropian, në formë huazimi.

Nuk do të jetë një marrëveshje e lehtë për t’u bërë, për askënd, me skuadrën aktuale të lojtarit që nuk ka gjasa ta lërë atë të shkojë shumë lirë dhe me pagat e tij gjithashtu të përfshihen.

Përkundër faktit se ai nuk do të jetë i lirë, raportimet e mëparshme kanë pohuar se Neymar mund të jetë në dispozicion për 85 milionë euro, gjë që do t’i bënte parisienët të kenë një humbje të madhe.

Një nga skuadrat e pakta që mund të përballonte Neymarin dhe pagat e tij, janë Newcastle United, pasi skuadra e Ligës Premier u ble nga pronarët e Arabisë Saudite vitin e kaluar.

Magpies janë lidhur me yllin e PSG-së, megjithëse do të ishte një ndryshim i madh drejtimi nga transferimet që ata kanë përfunduar deri më tani, dhe të tjera me të cilat janë lidhur së fundmi.

Ai po ashtu i është ofruar edhe Barcelonës, Manchester Cityt dhe Chelseat.

Mund të ndodhë transferim i pa pritur i Neymar Jr në Serie A

Juventusi po e shqyrton mundësinë e transferimit të Neymarit.

Nuk është hera e parë por duket se tani ka më shumë opsione. Massimiliano Allegri, trajneri i skuadrës bardhezi, ka kërkuar ngritjen e nivelit të skuadrës dhe braziliani mund ta bëjë këtë.

Përveç kësaj, situata e sulmuesit brazilian te Paris Saint-Germain jo vetëm është e pasigurt por nuk përjashtohet mundësia që skuadra franceze ta shesë, apo të luajë pa të.

Me Di Maria dhe Pogba gjithashtu në orbitën e skuadrës italiane, në tavolinë është edhe rikthimi i Cristiano Ronaldos.

Jorge Mendes thuhet se i ka propozuar portugezit që të rikthehet për të luajtur për Juventusin, diçka që sot nuk përjashtohet, edhe pse si Neymar ashtu edhe Ronaldo do të duhej të ulnin ndjeshëm pagat.

Liverpool kontakton Realin për Marco Asension.

Asensio ende nuk e ka vendosur të ardhmen, ka pesë oferta në tavolinë.

Liverpool, ka kontaktuar Real Madridin në lidhje me një marrëveshje të mundshme për Marco Asension.

Reprezentuesi spanjoll po sheh një largim nga Santiago Bernabeu, por sugjerohet që çdo marrëveshje këtë verë do të kushtojë rreth 40 milionë euro.

Sulmuesi spanjoll ka vendosur të largohet nga Los Blancos, pasi nuk po arrin të jetë një futbollist i formacionit bazë.E ardhmja e tij është mes kampionatit italian Serie A dhe atij anglez Ligës Premier.

Marca ka raportuar se reprezentuesi spanjoll nuk ka vendosur ende për të ardhmen e tij dhe para vetës ka pesë oferta të rëndësishme, tri nga Anglia dhe dy të tjera nga Italia.

Newcastle United, Arsenal dhe Manchester United janë tri skuadrat angleze që e kanë ofertuar sulmuesin spanjoll.