Kryeministri Kurti nesër në Mitrovicë

Kryeministri Albin Kurti nesër pritet të vizitojë ndërmarrjen “Trepça” në Mitrovicë.

Zyra e Kryeministrit ka njoftuar se Kurti do të shkojë në Mitrovicë në orën 08:00.

Sipas njoftimit Kurti do të jetë i shoqëruar nga ministrja e Ekonomisë Artane Rizvanolli.

Vizita e Kurtit vie pas incidentit që kishte ndodhur para dy ditësh në objektin e ndërmarrjes “Trepça”.

Kurti nesër në Mitrovicë

Kryeministri Albin Kurti nesër pritet të vizitojë ndërmarrjen “Trepça” në Mitrovicë.

Zyra e Kryeministrit ka njoftuar se Kurti do të shkojë në Mitrovicë në orën 08:00.

Sipas njoftimit Kurti do të jetë i shoqëruar nga ministrja e Ekonomisë Artane Rizvanolli.

Vizita e Kurtit vie pas incidentit që kishte ndodhur para dy ditësh në objektin e ndërmarrjes “Trepça”.

Ish-kryeshefi i “Trepçës”, Rafet Ibishi është arrestuar dje pasi kishte sulmuar fizikisht ushtruesin e detyrës së kryeshefit, Enis Abdurrahmani dhe drejtorin e Administratës në “Trepçë” Besim Haxhiun.

Pas incidentit brenda objektit të ndërmarrjes “Trepça” Policia ka arrestuar ish-ushtruesi i detyrës së kryeshefit, Rafet Ibishi.

Njoftimi i plotë i Zyrës së Kryeministrit:

Kryeministri Albin Kurti dhe ministrja e Ekonomisë Artane Rizvanolli, vizitojnë ndërmarrjen “Trepça”.

VENDI: Zyra e menaxhmentit të “Trepçës”, Parku Industrial.

KOHA: 08:00

Pas vizitës do të ketë prononcim për media.

Ramiz Lladrovci: “Ma para e qes konopin e vjerrna sesa bëhem dëshmitar kundër Thaçit”

Ramiz Lladrovci, kryetar aktual në Komunën e Drenasit dhe kandidat për një mandat tjetër nga radhët e PDK-së, ka thënë se ai nuk është dëshmitar në Hagë kundër Hashim Thaçit dhe të tjerëve.

Në një intervistë për emisionin A23 në ATV, Lladrovci ka thënë se kanë qenë kundërshtarët e tij ata të cilët kanë pretenduar se ai do të jetë dëshmitar në Hagë kundër ish presidentit të Kosovës, Hashim Thaçi.

“Keqbërësit janë munduar të bëjnë një politikë shumë të keqe kishe i ka thirrur Hashim Thaçi nga Haga dhe iu ka thanë rrëzone Ramiz Lladrovcin se është dëshmitar në Hagë kundër meje. Unë me qenë dëshmitar kundër miqve të mi, kundër shokëve të mi, kundër bashkëpunëtoreve të mi, ma para e qes konopin me një degë e vjerrna sesa bohna dëshmitar dhe skam pse bana dëshmitar sepse ata janë të pafajshëm dhe unë pres që ata të kthehen në Kosovë dhe tu bashkohen familjeve dhe shoqërisë”, tha ai.

Ndërsa në lidhje me ankesat se në Komunën e Skenderajt ka pasur manipulime të votave, Lladrovci thotë se nuk e di si kanë shkuar gjërat atje sepse ka qenë i fokusuar në komunën e tij.

“Unë nuk e di kush ka reagu dhe si ka reagu, nuk e di si kanë shkuar ngjarjet atje sepse unë kam qenë i fokusuar në Drenas dhe kam thënë me dhjetra herë që mua më interesojnë zgjedhjet veç në Drenas. Unë punoj për Drenasin dhe kam punuar fuqishëm për Drenasin dhe sigurisht do ta fitoj bashkë me qytetarët edhe për katër vitet e ardhshme”, tha ai.

Ndryshe Ramiz Lladrovci në zgjedhjet e 17 Tetorit ka dal i pari në bazë të rezultateve preliminare por që Komuna e Drenasit do të shkojë në balotazh, e në lidhje me balotazhin ai ka thënë se janë shumë para subjektit të dytë dhe se fitorja është e garantuar.

E FUNDIT: Bekim Jashari nuk e pranon humbjen

Kandidati për kryetarë të Skenderajit, Bekim Jashari nuk e ka pranuar humbjen e pësuar nga PDK në Skenderaj.

Jashari ka thënë se gjatë ditës janë raportuar parregullsi të mëdha, shantazhe e presion tek votuesit, shkruan lajmi.net.

“Nga vëzhguesit tonë në vendvotime deri me tani janë raportuar për raste të fletëvotimeve të pa vulosura në rreth 11 Qendra të Votimit, situatë kjo e cila dëshmon për ekzistencën e blerjes se votës me sistemin e njohur si “treni bullgar””, ka thënë Jashari.

Ai ka thënë se do të presin numërimin e votës së fundit për të dalë me njoftim të ri.

Postimi i plotë:

Të nderuar qytetarë,

Mbështetja juaj në çdo takim, sondazhet e Exit Polleve në njërën anë dhe rezultati zgjedhor sipas KQZ-së, është me mospërputhje të mëdha.

Gjatë ditës kemi raportuar për parregullsi të mëdha si blerje votash, shantazhe e presion tek votuesit.

Nga vëzhguesit tonë në vendvotime deri me tani janë raportuar për raste të fletëvotimeve të pa vulosura në rreth 11 Qendra të Votimit, situatë kjo e cila dëshmon për ekzistencën e blerjes se votës me sistemin e njohur si “treni bullgar”.

Po ashtu mungesa e komisionerëve nga subjekti jonë politik ka dëmtuar jashtëzakonisht shumë votën tonë.

Idealit dhe Drenicës duket se me manipulime, blerje votash iu vjedh fitorja dhe e ardhmja nga ata që janë pasuruar duke vjedhur Kosovën.

Pas mbledhjes së fakteve të shumta për manipulime do të kërkojmë drejtësi për manipulimet e bëra në këto zgjedhje në Skenderaj.

Ne do të presim numrin e votës se fundit për të dalur me njoftimin e ri.

I juaji çdo herë Bekim Jashari!.

LIVE Rezultati: Drenasi shkon në balotazh ?

[22:32]- Rezultati mes Ramiz Lladrovcit të PDK-së dhe Driton Ajazit të DD-së po shkon drejt balotazhit.

Deri tani, Lladrovci ka marrë 45.60 për qind të votave, ndërsa Ajazi ka marrë 31,66%.

[21:26] – Kandidati i PDK-së në Drenas, Ramiz Lladrovci po prin bindshëm, raporton Gazeta Express.

Deri tani, Lladrovci po prin me 46.61 për qind të votave, ndërsa kundërkandidati i tij, Driton Ajazi me 32,22 për qind.

[20:53]- Po vazhdon numërimi i votave në Drenas, ku kandidati i PDK-së, Ramiz Lladrovci po prin me 47.41 për qind të votave.

Ndërsa, kundërkandidati i tij, Driton Ajazi, me 30.85 për qind të votave.

[20:12] – Nga numërimi i votave në Drenas, kandidati i PDK-së, Ramiz Lladrovci po prin me 43.09 për qind të votave.

Ndërsa kandidati i DD-së, Driton Ajazi aktualisht po merr 31.87 për qind të votave.

[20:00] – Ka nisur numërimi i votave në Drenas, ku nga të dhënat e fundit të KQZ-së, kandidati Driton Ajazi merr 32.38 për qind të votave.

Ndërsa kandidati i PDK-së, Ramiz Lladrovci deri tani ka marrë 28.83 për qind.

Ndërsa kandidati i VV-së, ka marrë 25.62 të votave, Xhavit Drenori nga GPD ka marrë 12.10 për qind të votave.

Kandidatja e LDK-së, Anduena Gllareva ka marrë 0.71 për qind të votave, ndërsa Arta Ahmeti Xhylani nga AAK ka marrë 0.36 për qind të votave.

LIVE: Rezultati në Malishevë [FOTO]

Kandidati i Lëvizjes Vetëvendosje për kryetar të Malishevës, Alban Krasniqi, renditet i katërti sipas votave të publikuara deri më tani nga Komisioni Qendror i Zgjedhjeve.

Deri më tani, Krasniqi ka marrë 924 vota, apo 14.43%.

Ndërkaq kandidati i Nismës Socialdemokrate, Ekrem Kastrati, renditet i pari me 2 mijë e 475 vota, apo 38.65%.

Isni Kilaj i Partisë Demokratike të Kosovës renditet i dyti, me 1 mijë e 759 vota, apo 27.47%.

Bajrush Hoti i Lidhjes Demokratike të Kosovës renditet i treti, me 1 mijë e 38 vota, apo 16.21%.