Tag: Edi Rama

Sali Berisha mesazh Edi Ramës nga protesta: Ne të dy jemi armiq!

Ish kryeministri Sali Berisha i ka përcjellë një mesazh direk nga protesta kryeministrit Edi Rama i cili ndodhet në Vlorë.

Duke i thënë se e ka armik, Berisha i bëri thirrje Ramës që t’ia mbathë, ashtu siç sipas tij bëri sot me protestën.

“Shqipëria është në rrezik. Ishte kushtrimi që u ngriti juve në këmbë për ta shpëtuar atë. Vëllezër e motra ju jeni sot këtu, sepse ju nuk pranoni që qytetarët shqiptarë të jenë qytetarë të lirive dhe të drejtave të dhunuara. 32 vite më parë kur krijuam partinë e parë opozitare, diktatori i fundit dhe partia-shtet kishin në duar të gjitha pushtetet. Sot, pasardhësi i tyre, Edi Rama, ia mbathi. Edhe pse ka të gjitha pushtetet, ka vendosur monizmin e plotë përsëri. Ia mbathi, përsëri do ia mbath. Orët e tij janë të numëruara. Në emrin tuaj i them Edi Ramës këto fjalë: Edi Rama ne të dy sot jemi armiq, jemi armiq. Po pse jemi? Zemra ime fjalë tjetër nuk nxjerr, sepse ti Edi Rama ke për ideal pushtetin, pushtetin dhe vetëm pushtetin, kurse me këta burra e gra, djem e vajza, kemi për ideal lirinë, lirinë dhe vetëm lirinë”, tha Berisha.

Sipas tij, Rama do pushtetin për t’u pasuruar vetë dhe varfëruar qytetarët.

“Sot unë me këta djem, burra e vajza, kemi ideal lirinë. Ne jemi armiq Edi Rama sepse ti pushtetin, e do për të pasuruar veten, për të varfëruar qytetarët, për të poshtëruar qytetarët. Kurse unë dhe këta qytetarë që janë sot këtu, lirinë e duam për të bërë të lirë shqiptarët, për t’iu kthyer atyre dinjitetin. Edi Rama ne jemi armiq, sot ti ia ke mbath, gabim ke bërë. Sot ti ke blinduar dyert, gabim ke bërë. Ne nuk veprojmë në pabesi, kur të themi mbathja, do t’ia mbathësh. Së dyti, mos harro se me forcën e idealeve tona të lirisë ne thërrmojmë çdo bunker, ne shpojmë çdo blind, asgjë nuk na ndal ne në përpjekjen tonë për liri”, tha Berisha.

Edi Rama: Kemi zbuluar rezerva të mëdha nafte dhe të gazit natyror në Shqipëri 

Kryeministri i Shqipërisë, Edi Rama dhe ministrja e Infrastrukturës dhe Energjisë, Belinda Balluku kanë thënë se kompania holandeze ‘Shell’ ka zbuluar sasi të mëdha nafte dhe gazi në Shqipëri.

Edi Rama ka thënë se ky zbulim do të ndikojë në të ardhmen e vendit dhe atë energjetike të Evropës, transmeton Teleshkronja Post.

“Holanda e pranishme në Shqipëri. Ne kemi shumë shpresë se së shpejti mund të ndajmë me opinionin tonë publik, rajonal dhe përtej rajonit, një zbulim shumë të rëndësishëm që kompania holandeze ‘Shell’ po arrin në vendin tonë. Ata hezitojnë për momentin të flasin për shifra. Shenjat tregojnë se mund të jemi pranë një zbulimi shumë të rëndësishëm të gazit dhe naftës në nëntokë, që do të ndikojë të ardhmen e vendit tonë, por edhe do të luajë rol në të ardhmen energjetike të Evropës”, tha Rama.

Belinda Balluku ministre e Infrastrukturës dhe Energjisë në qeverinë e Shqipërisë tha që vendi i saj do të jetë një ndër vendet që do të prodhoj sasi të madhe gazi në të ardhmen.

“Një nga kompanitë më të shkëlqyera që kemi në vend ‘Shell’ po punon në Shqipëri prej disa kohësh tashmë dhe ne po presim me padurim rezultatin e eksplorimit që do të jetë një zbulim i madh, është e sigurte që Shqipëria do të jetë një prej vendeve që do të prodhoj një sasi të madhe gazi dhe nafte e ndarë me 60 për qind për naftën dhe 40 për qind për naftën”, tha ajo.

Kryeministri shqiptar, Edi Rama sot feston ditëlindjen

Me 4 korrik ka ditëlindjen kryeministri i Shqipërisë, Edi Rama, transmeton Teleshkronja Post.

Sot drejtuesi i qeverisë shqiptare, Edi Rama, mbushë plotë 58 vite. I lindur në Tiranë në vitin 1964, ka qenë kryetarë edhe i i kryeqytetit shqiptarë.

Në postimin e tij për pavarësinë e Shteteve të Bashkuara të Amerikës, shumë ndjekës e uruan Ramën për ditëlindje, duke i shkruar fjalët më të mira.

“MIRËMËNGJES, dhe në këtë ditë të pavarësisë së Shteteve të Bashkuara, 4 korrikun e 100 vjetorit të marrëdhënieve tona diplomatike, ju uroj një javë të mbarë”, ka shkruar Rama./Teleshkronja Post/

Rama reagon për satelitët që pritet të dërgojë Shqipëria në orbitë

Kryeministri i Shqipërisë, Edi Rama deklaroi sot gjatë një konference se brenda këtij viti do të vijnë satelitët e shumëpërfolur Albania 1 dhe Albania 2.

Kreu i qeverisë sqaroi shkurtimisht se dërgimi i satelitëve në orbitë është vonuar për shkak të procedurave.

Kryeministri foli gjatë një konference për bujqësinë ku tha se satelitët do të shërbejnë për të adresuar shkallën e fiktivitetit tek fermerët që kërkojnë subvencionimin e naftës.

Kreu i qeverisë u shpreh se deri më tani mbi 50 mijë fermerë kërkojnë naftë.

Por kur kjo shifër ballafaqohet me numrin e mjeteve bujqësore në terren nuk del llogaria. Prandaj ai u shpreh se në të ardhmen, fermeri që do të marrë naftë do të sjellë edhe faturat ku do të tregojë që ka prodhuar dhe ka shitur.

Po ashtu, ai njoftoi se në të ardhmen do të ketë një financim tjetër për fermerët që duan naftë.

Kujtojmë se kryeministri Rama në tetor të vitit të kaluar paralajmëroi se Shqipëria do të dërgonte në orbitë dy satelitë, Albania 1 dhe Albania 2.

Ai tha se i pari parashikohej të lëshohej në mars 2022 dhe i dyti rreth dy muaj më pas, në qershor.

“Në mars do të lëshohet [Albania 1]. Do të filmojmë një video dhe pas shkëputjes do të shohim satelitin në orbitë”, shprehej Rama në tetor.

Hoti:Shqipëria mbetet zëri jonë,Derisa Kosova të anëtarësohet në mekanizmat ndërkombëtarë.

Ish-kryeministri i Kosovës, Avdullah Hoti ka takuar kryeministrin e Shqipërisë, Edi Rama me të cilin kanë zhvilluar bisedë miqësore. 

Hoti përmes një postimi në rrjetin social në Facebook, ka shkruar se dy vendet i lidh rruga drejt integrimit euroatlantik.

Hoti po ashtu tha se derisa Kosova të anëtarësohet në mekanizmat ndërkombëtarë, Shqipëria mbetet zëri i Kosovës.

“Bisedë miqësore për dy vendet tona, të cilat, përveç gjuhës e gjakut, i lidh rruga drejt integrimit euroatlantik. Derisa Kosova të anëtarësohet në mekanizmat ndërkombëtarë, Shqipëria mbetet zëri i jonë”, ka shkruar Hoti në Facebook.

Pergjigjja e papritur e Rames kur flet për marrëdhëniet e Serbisë me Rusinë dhe Perëndimin

Kryeministri i Shqipërisë, Edi Rama, ka folur për marrëdhëniet e shqiptarëve me Serbinë. Ai në promovimin e librit të Enver Hoxhajt, ka thënë se Serbia tani ndodhet mes dy zjarreve dhe se ai beson që Serbia duhet të mbajë distancë të mjaftueshme me Rusinë në mënyrë që Ballkani të mos përfshihet nga “flaka ruse”. Shkruan Teleshkronja.

Ai thotë se Serbia është e varur nga Rusia në shumë aspekte dhe si e tillë nuk mund të pozicionohet haptas kundër saj.

“Ne nuk kemi asnjë interes që Serbia të radikalizohet dhe do të bëjmë çmos që në këtë situatë kur Serbia është në situatë mes dy zjarreve, nga njëra anë presioni ndaj Rusisë, që lidhet me mundësinë që ka Rusia ta shtrëngojë Serbinë, pasi që e furnizon me gaz e naftë e shumë të tjera. Në anën tjetër me presionin e Perëndimit. Të shtyn sa më shumë në anën e një kuptimi të drejtë të asaj që çfarë duhet të presim nga Serbia. Kush pret nga Serbia që të hidhet në flakë për perëndimin nuk e di çfarë është kjo. Ajo nuk mundet, pasi nuk ka asnjë mundësi ta bëjnë këtë pasi përbëhet nga një popull ku 80% mendojnë se Putini ka të drejtë”, tha ai.

Tutje Rama shtoi se Kosova nuk është e detyruar t’i kthehet luftërave dhe se në rast që dikush “e detyron atë”, atëherë Shqipërinë e ka mbrapa.

“Por në anën tjetër besoj e kanë të qartë, që Serbia mund të qëndrojë në distancë nga Rusia që flaka e luftës mos të vijë këtu. Këtu është thelbi i tradhtisë sime, tradhti për të cilën nuk jam pishman. Mendoj se ne kemi vuajtur boll. Kur them ne, nuk them unë. Në radhë të parë Kosova ka vuajtur shumë, nga luftërat, flaka e shkatërrimet. Nuk ka nevojë më të shkojë në atë drejtim, përvec nëse e detyrojnë. E nëse e detyrojnë , e detyrojnë edhe Shqipërinë pasi ne jemi një. E për sa kohë nuk na detyrojnë, nuk kemi pse i shkojmë asaj rruge”, shtoi ai.

“Do t’i drejtohem personalisht Këshillit të Europës për përrallat e Dick Martyt”

Kryeministri i Shqipërisë, Edi Rama ka paralajmëruar se do të udhëtojë drejt Strasburgut për t’iu drejtuar Këshillit të Europës për çështjen e akuzave të ish-senatorit zviceran, Dick Marty kundër krerëve të UÇK-së, raporton Gazeta Express.

Rama tha se është shqetësuese se si akuzat mbi të cilat u ngrit Gjykata Speciale nuk janë në aktakuzat kundër krerëve të UÇK-së. Ai e quajti të pabazueshëm raportin e Martyt.

“Do të shkoj personalisht në Strasburg, në rastin më të parë, shpresoj në shtator, për t’iu drejtuar Këshillit të Europës për një fakt që bëhet gjithnjë e më shqetësues. Është pabazueshmëria totale e raportit të Dick Martyt dhe influenca ruse mbi këtë përrallë të një Shtëpie të Verdhë e trafikimit të organeve. Duke pasur parasysh që akuza e trafikimit të organeve është akuzë e përsëritur edhe në kontekste të tjera nga ana e propagandës ruse. Duke pasur parasysh dhe në Këshillin e Sigurimit Rusia ka goditur sërish me një fjalim të ambasadorit të saj duke u kthyer tek trafikimi i organeve”, tha ai.

Rama tha se bota duhet të dëgjojë te vërtetat mbi akuzat e ngritura dhe ato mbi të cilat vepron Gjykata Speciale.

“Nuk ka asnjë fakt të lidhur me Dick Martyn e raportin i tij që ishte shkaku pse u mor rruga drejt Gjykatës Speciale. Për këtë dikush të hapë veshët, në mos të përgjigjet, të paktën duhet të dëgjojë. Bota duhet ta dëgjojë. Sponsorët e atij tribunali duhet ta dëgjojnë. Ai tribunal është projektuar për t’u dhënë përgjigjeve akuzave të Dick Martyt. Nuk ka asnjë gjë në atë akuzë. Zero. Kemi të drejtën të besojmë se këtu janë duar aspak dashamirëse me Kosovën e shqiptarët që e kanë nxitur këtë raport”, tha Rama.

Në paraburgimin e Gjykatës Speciale në Hagë po mbahen ish-presidenti Hashim Thaçi dhe ish-krerët e tjerë të UÇK-së nën akuza për krime lufte dhe krime kundër njerëzimit. Aktakuza i bën përgjegjës ata për disa krime që Prokuroria thotë se i kanë ditur ose të paktën është dashur të kenë dijeni.

Abdixhiku takon Ramën

Kryetari Lidhjes Demokratike të Kosovës, Lumir Abdixhiku është takuar sot me kryeministrin e Shqipërisë, Edi Rama.

Abdixhiku ka thënë se Kosova dhe Shqipëria kanë të ardhme të mirë kur trajtojnë hapur e afër çdo temë e rrugëtim.

“Kafen e mëngjesit e pimë bashkë në Prishtinë; afër Sheshit Skenderbeu. Kosova dhe Shqipëria kanë të ardhme të mirë kur trajtojnë hapur e afër çdo temë e rrugëtim”, ka shkruar ai në Facebook.

Shqipëri-Kosovë pa kufij, ja marrëveshja që do nënshkruhet.

Ministri i Brendshëm Bldi Çuçi ka prezantuar sot marrëveshjen që do nënshkruhet për krijimin e lehtësirave të kalimit në kufirin Shqipëri-Kosovë dhe anasjelltas.

Ministri Çuçi tha “Protokolli i parë që do nënshkruajmë me homologun Svelça që përgjatë periudhës së verës dhe gjatë fundjavave kur ka fluks lëvizjeje nga të dyja krahët ne do ta lehtësojmë plotësisht. Nëpërmjet protokollit të parë që do nënshkruajmë do përcaktojmë që prej 1 qershorit deri në 1 shtator, për çdo fundjavë dhe çdo ditë feste shtetërore në kufijtë tanë shtetasit e Kosovës dhe Shqipërisë do kalojnë pa qenë nevoja e regjistrimit nga organet kufitare në mënyrë që të mos krijohet asnjë radhë apo vonesë për qytetarët në të dyja anët”.

Rama kerkon mbledhjen e dy kuvendeve.

Ai këtë propozim e bëri meqë është afër 110 vjetori i pavarësisë së Shqipërisë, “në funksion të optimizmit që kthehet në entuziazëm”.

Rama tha se nëse dakordohen kryesitë e dy kuvendeve, ai dhe Kurti do ta adresojnë këtë dhomë të përbashkët.

Ai tha se slogani “të përbashkuar”, materializohet në Kuvendin e Përbashkët mes dy qeverive.

Kurti tha se tani Kosova dhe Shqipëria mund ta lexojnë më qartë gjendjen e krijuar në rajon e botë dhe tha se “përcaktimi ynë është më i thjeshtë”.

“Prandaj, edhe këto mbledhje të qeverisë tingëllojnë më të vërteta e më efektive sesa më parë”, tha ai.

Kurti foli më tej se si duhet të jetë bashkëpunimi rajonal.

Kurti – Ramës: Bashkëpunimi në rajon arrihet duke i zgjidhur problemet në fillim, jo në fund.

“Bashkëpunimi dhe integrimi dhe zhvillimi i qëndrueshëm në gjithë rajonin sigurohet duke i zgjidhur problemet politike në fillim dhe jo në fund. Lënia për fund dhe mbajtja pezull e zgjidhjes së problemeve esenciale politike mban pezull mosbesimin e ndërsjellë social”, tha kryeministri.

Besimi social, Kurti tha se luan rol të madh këtu.