E FUNDIT: Isa Mustafa jep dorëheqje si kryetar i LDK-së

Isa Mustafa do të japë sot dorëheqje nga posti i kryetarit të LDK-së gjatë mbledhjes së kryesisë së partisë

Burime të lajmi.net brenda LDK-së bëjnë të ditur se Mustafa ka vendosur të tërhiqet nga roli drejtues pas rezultatit dëshpërues në zgjedhjet e 14 shkurtit.

Vendimi pritet të konfirmohet gjatë mbledhjes së kryesisë së LDK-së që tashmë ka filluar.

Partia e Mustafës ka shënuar humbjen më të thellë në historinë e saj në zgjedhjet e djeshme.

LDK nuk ka fituar në asnjë komunë ndërsa ka humbur thellë edhe në komunat ku udhëheqin zyrtarë të këtij subjekti politik.Kur janë numëruar 99.23% të votave, LDK-ja renditet në vendin e tretë me 102 mijë e 959 vota apo 13,08%./TeleshkronjaPost/

Kurti nuk u certifikua nga KQZ, reagon Isa Mustafa

Kryetari i LDK’së, Isa Mustafa, thotë se të gjithë duhet të respektojnë vendimet e Gjykatës Kushtetuese. Thotë se kryetarja e KQZ’së, Valdete Daka, vetëm po zbaton një vendim të tillë.

I pari i LDK’së thotë se ishte Vetëvendosje ajo që inicoi në Kushtetuese çështjen e votës së Etem Arifit, dhe pasojat e këtij vendimi tani duhet t’i bartin.

“Zonja Daka nuk e ka iniciuar çështjen në Gjykatën Kushtetuese lidhur me votën e ish-deputetit Etem Arifi. Këtë e ka inicuar Vetëvendosja. Në qoftë se një çështje iniciohet në Gjykatën Kushtetuese atëherë duhet të kenë gjithmonë parasysh të gjitha pasojat që vijnë nga një vendim i Gjykatës Kushtetuese”, tha Mustafa për RTK’në.

“Një vendim i Gjykatës Kushtetuese ka pasur për pasojë rrëzimin e qeverisë Hoti për shkak se është konstatuar se qeveria nuk është zgjedhur me 61 deputetë dhe për pasojë edhe më të keqe rrëzimin e Kuvendit të Kosovës që nuk ndodh që një Gjykatë Kushtetuese t’ia merr mandatin deputetëve. Sepse nuk kanë qenë fajtorë 119 deputetë të Kuvendit të Kosovës që për një deputet nuk është respektuar procedura”, shtoi ai.

Por Kurti tha se do t’i prijë listës së VV’së pavarësisht se nuk u certifikua nga KQZ.

“Mendoj se çdo njëri prej nesh duhet të respektojë ligjin. Ligji është ai që e ka përcaktuar Gjykata Kushtetuse. Nuk shoh asnjë mundësi që dikush të jetë në krye të listës ose të jetë kandidat i certifikuar për deputet nëse ligji nuk e lejon atë. A është në rregull kjo apo jo është punë tjetër. Duhet të vetëdijësohemi që nuk duhet të lejojmë në Kosovë që dikush të bëhet përfaqësues i legjislativit ai i cili ka shkelë ligjet’, theksoi Mustafa.

“Për mua, nëse s’do të kishte qenë ky vendim i Gjykatës Kushtetuese do të ishte më mirë që të gjitha ata që janë në listën e deputetëve të vazhdojnë të garojnë”, tha ai.

Pse Lumir Abdixhiku i 11-i në listë ? Sqarohet Isa Mustafa

Kryetari i Lidhjes Demokratike të Kosovës, Isa Mustafa, është deklaruar rreth radhitjes së Lumir Abdixhikut në listën për deputetë nga kjo parti, shkruan Gazeta Express

Për shefin e LDK’së, numrat shprehin elementet e tërësisë së listës të cilën ai e quan unike.

“Nuk e parapëlqej që kandidatët për deputetë të vlerësohen me numra. Lista është unike, ndërkaq numrat shprehin elementet e kësaj tërësie”, ka deklaruar Mustafa.

Mustafa thotë se karakteristik është vetëm numri i bartësit të listës.

“Karakteristik është vetëm numri 1 si bartës i listës dhe kandidat për Kyeministër. Të gjithë të tjerët i marrin votat e veta”, ka thënë i pari i LDK’së për Express.

Ndërkohë, as për vetë Abdixhikun duket se nuk është problematike renditja e tij në listë.

Në një prononcim për Express, ai sot ka thënë se nuk ka kurrfarë hatërmbetjeje sa i përket pozicionimit të tij në listë.

“Asnjë hidhërim. Numrin e bëj unë, jo numri mua”, ka deklaruar Abdixhiku.

Vendosja e Lumir Abdixhikut në nurin 11 në listën e LDK’së, nga analistët politikë u pa si një ndëshkim nga partia kundrejt tij.

Kjo pas Abdixhiku nuk ishte deklaruar gjatë kohës kur partia e tij po sulmohej pas prishjes së koalicionit me VV’në e Albin Kurtit, në Qeverinë ku Abdixhiku ishte ministër i Infrastrukturës dhe Transportit.

Po ashtu, në Qeverinë Hoti, Abdixhiku nuk kishte marrë asnjë post.

Megjithatë, Abdixhiku kishte thënë në “Pressing” të T7 se edhe pse ka pasur bindje ndryshe nga partia, kur është pjesë e një familjeje politike, vepron sipas vendimit të shumicvës.

“Kam qenë veç një zë kundër në atë kohë. Shumica ka menduar ndryshe. Për parimet dhe bindjet e mija, kur jam pjesë e një familje politike, unë veproj sipas vendimit të shumicës, vendimi im ishte pakicë. Kam qenë vetëm një votë, s’kam arrit as dy me i bo me votu si unë. Pra nuk më kanë dhënë të drejtë që tash unë të jap ultimatum ndaj njerëzve që mendojnë ndryshe e as të dalë t’i dëmtojë delegacionet e partisë. Më e pakta që mund të bëj është që të mos jem pjesë e diçkaje që mendoj se s’duhet të ndodhë”, pati deklaruar ai.