Takimi enigmatik i Memlit me Albinin në sallën C301

Kryeministri i Kosovës, Albin Kurti është takuar me kryetarin e Partisë Demokratike të Kosovës, Memli Krasniqi.

Burime të Nacionale bëjnë të ditur se Kurti dhe Krasniqi janë takuar në sallën me numër C301 të Kuvendit të Kosovës.

Deri më tani nuk dihet arsyet e takimit mes tyre.

Takimi i tyre vjen pas vizitës së emisarit special të BE-së, Miroslav Lajçak në Kosovë dhe takimi të tij me liderët opozitar.

Nacionale ka provuar të kontaktojë edhe me zyrtarë të Qeverisë dhe ata të PDK-së, mirëpo asnjëra palë nuk kanë qenë të qasshëm në thirrjet e gazetës.

Ish-ambasadori holandez në Kosovë e quan të pakuptimtë kërkesën për udhërrëfyes të ri të vizave

Ish-ambasadori i Holandës në Kosovë, Robert Bosch, e ka quajtur të pakuptimtë deklaratën e komisionierit për Zgjerim, Oliver Varhelyi, që Kosovës t’i prezantohet një udhërrëfyes i ri për liberalizimin e vizave.

Bosch ka shkruar se edhe pse Kosova ka plotësuar kriteret, Varhelyi ka kërkesa tjera që nuk u janë kërkuar vendeve tjera.

“Edhe pse Kosova i plotëson të gjitha kushtet sipas komisionit të BE-së, ky njeri vjen me më shumë kërkesa që nuk i kemi bërë kurrë për të gjitha vendet që kanë marrë lirinë e vizave gjatë viteve të fundit. Unë me të vërtetë nuk e di se si të arrihet drejtësia për Kosovën. Si kongresi i PE ashtu edhe i PPE në Roterdam kohët e fundit kërkuan që më në fund të zbatohej dhe më pas dëgjohet kjo gjë e pakuptimtë e Varhelyit”, ka shkruar ai.

Komisioneri Varhelyi, dje ka deklaruar se janë të gatshëm që të propozojnë një udhërrëfyes të ri për liberalizimin e vizave për Kosovën për të adresuar shqetësimet në disa fusha siç janë luftimi i krimit dhe korrupsionit.

E PAPRITUR: Spanja ndryshon qëndrim ndaj Kosovës

“Spanja ka një qëndrim konstruktiv dhe ne jemi të hapur për miratimin e heqjes së vizave për Kosovën”, tha Sanchez në një konferencë për shtyp, samitit të Këshillit Evropian në Bruksel.

Megjithatë, Këshilli Evropian ende nuk i ka dhënë dritën jeshile kësaj mase, ndër të tjera për shkak se pesë shtete anëtare të tij – Spanja, Qiproja, Greqia, Rumania dhe Sllovakia – nuk e njohin Kosovën si të pavarur.

Kryeministri spanjoll, Pedro Sánchez, ka thënë se Spanja është e gatshme të pranojë liberalizimin e vizave për qytetarët e Kosovës, sipas rekomandimit të Komisionit Evropian të 2016-s

E FUNDIT: Gjykata Speciale e Hagës merr vendim për Pjetër Shalën

Gjykatësi paraprak, Nicolas Guillou, ka marrë vendim, me anë të së cilit ia ka vazhduar masën e paraburgimit Pjetër Shalës, i cili po akuzohet nga Zyra e Prokurorit të Specializuar (ZPS) për krime lufte.

Kjo është bërë e ditur përmes vendimit të publikuar në faqen zyrtare të Dhomave të Specializuara.

Aty thuhet se gjyqtari i procedurës paraprake ka ardhur në konkludimin se vazhdojnë të ekzistojnë rreziqet që Shala do të arratiset, pengojë progresin e procedurave të Dhomave të Specializuar ose do të kryejë krime të mëtejshme kundër atyre që perceptohen si kundërshtarë të UÇK-së, duke përfshirë dëshmitarët që i kanë ofruar dëshmi SPO-së dhe/ose që do të paraqiten para Dhomave të Specializuara.

Shala u arrestua më 16 mars 2021, nga autoritetet belge dhe u transferua në Hagë më 15 prill 2021, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.

Në aktakuzën e konfirmuar, Shala ngarkohet me përgjegjësi penale individuale në forma të ndryshme për krime lufte si ndalim arbitrar, trajtim mizor, torturë dhe vrasje të paligjshme, të kryera në kontekstin e konfliktit të armatosur në Kosovë dhe në lidhje me këtë konflikt.

“Krimet për të cilat akuzohet z. Shala u kryen përafërsisht midis 17 majit 1999 dhe 5 qershorit 1999, kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej Ushtrisë Çlirimtare të Kosovës”, thuhet në komunikatë.

Nga të gjitha shtetet e BE-së, vetëm dikush përmendi heqjen e vizave !

Presidentja e Parlametit Evropian, Roberta Metsola, mbetet liderja e vetme evropiane që ka përmendur domosdoshmërinë e liberalizimit të vizave për Kosovën

Metsola para fillimit të Samitit BE-Ballkani Perëndimor dhe pas përfundimit të samitit ka thënë se Kosovës duhet t’i hiqen vizat.

“Pozicioni im gjatë samitit ka qenë i qartë, ne duam të shohim përparim në bisedimet për anëtarësim të Shqipërisë dhe Maqedonisë së Veriut. Unë gjithashtu përmenda qëndrimin e kahershëm të Parlamentit Evropian për liberalizimin e vizave për Kosovën, ky është shteti i vetëm në rajon që s’është akoma pjesë e zonës Schengen”, tha ajo.

Presidentja e PE-së, edhe para fillimit të Samiti poashtu deklaroi se liberalizimi i vizave për Kosovën duhet të ndodhë.

“Sot është një ditë historike për dy arsye; sepse këtë mëngjes do të kemi një samit me Ballkanin Perëndimor dhe dua t’i them disa fjalë në emër të Parlamentit Europian. Zgjerimi gjithmonë është parë si një proces transformativ për vendet që duan të shohin Europën si shtëpinë e tyre dhe sot është dita kur ne përnjëmend duhet të nisim negociatat për anëtarësim për Shqipërinë dhe Maqedoninë e Veriut, ne duhet përnjëmend të flasim për dhënien e liberalizimit të vizave për Kosovën. Këto janë pikat që do të fliten brenda samitit, sepse kjo është dita kur ne duhet të shikojmë drejt Ballkanit Perëndimor si vende që janë fqinj tonë dhe vende që duhet ta gjejnë veten në Bashkimin Europian, i cili është shtëpia e tyre”, ka thënë ajo para gazetarëve.

Pavarësisht përkrahjes së Presidentes së Parlamentit Evropian, Këshilli i BE-së nuk e ka përfshirë liberalizimin e vizave për Kosovën në konkluzat e Samitit.

Sot, 27 liderët e BE-së takohen në ditën e dytë në kuadër të Këshillit të BE-së, ku do të diskutohen çështje të ndryshme.

Nuk dihet nëse liberalizimi i vizave për Kosovën do të jetë temë në takimin e liderëve të BE-së sot.

Kancelari gjerman Olaf Scholz që është njëri nga përkrahësit më të mëdhënjë që Kosovës t’i hiqen vizat ka deklaruar në takimet me kryeministrin Kurti se do të angazhohet personalisht që liderëve të BE-së t’ua rikujtojë se Kosova ka plotësuar kriteret dhe se duhet t’i hiqet regjimi i vizave.

Markus Preiss, njëri prej gazetarëve më të famshëm televizivë gjerman, flet për Vjosa Osmanin

Markus Preiss, njëri prej gazetarëve më të famshëm televizivë gjermanë, shef i studios së televizionit publik gjerman ARD në Bruksel, po shkruan me sa vijon në Twitter:

“Kush dëshiron të shoh se si bëhet komunikimi shumë i mirë politik, duhet ta shoh paraqitjen e sotme të Presidentes së Kosovës Vjosa Osmani në Samitin e BE-së për Ballkanin Perëndimor. E qartë si kristali, argumentuese, e strukturuar, pozitive dhe e përsosur retorikisht”.

Nga viti 2024 Markus Preiss do të jetë shef i zyrës së televizionit gjerman ARD në Berlin. Ky është ndër postet më të rëndësishme në gazetarinë gjermane.

Befason presidentja e PE-së me deklaratën për heqjen e vizave për Kosovën

Presidentja e Parlamentit Europian, Roberta Metsola, e ka cilësuar si historike ditën e sotme kur po mbahet Samiti BE-Ballkani Perëndimor në Bruksel.

Duke folur në emër të eurodeputetëve, Metsola tha se liberalizimi i vizave për Kosovën dhe hapja e negociatave për Shqipërinë dhe Maqedoninë e Veriut duhet të ndodhin.

“Sot është një ditë historike për dy arsye; sepse këtë mëngjes do të kemi një samit me Ballkanin Perëndimor dhe dua t’i them disa fjalë në emër të Parlamentit Europian. Zgjerimi gjithmonë është parë si një proces transformativ për vendet që duan të shohin Europën si shtëpinë e tyre dhe sot është dita kur ne përnjëmend duhet të nisim negociatat për anëtarësim për Shqipërinë dhe Maqedoninë e Veriut, ne duhet përnjëmend të flasim për liberalizimin e vizave për Kosovën. Këto janë pikat që do të fliten brenda samitit, sepse kjo është dita kur ne duhet të shikojmë drejt Ballkanit Perëndimor si vende që janë fqinj tonë dhe vende që duhet ta gjejnë veten në Bashkimin Europian, i cili është shtëpia e tyre”, ka thënë ajo para gazetarëve.

Ja çfarë thotë Vjosa Osmani për heqjen e vizave nga Brukseli

Presidentja e Kosovës, Vjosa Osmani, ka mbërritur për Samitin e Bashkimit Evropian dhe të Ballkanit Perëndimor.

Osmani ishte liderja e parë e Ballkanit Perëndimor që u shfaq në ndërtesë.

Me këtë rast, pati edhe një deklaratë të shkurtër ku deklaroi se Kosova e ka vendin mes familjes së madhe evropiane.

Në lidhje me liberalizimin e vizave, Osmani u shpreh se nuk dëshiron të krijojë pritshmëri por theksoi se Kosova tashmë ka plotësuar të gjitha kriteret e kërkuara.

Gjithashtu, Osmani u shpreh se pret një zë të unifikuar të Bashkimi Evropian rreth të ardhmes së Ballkanit Perëndimor.

Pas Kurtit, Baton Haxhiu akuzon Lumir Abdixhikun dhe familjen e tij.

Haxhiu pati kritika edhe për PDK-në dhe partitë tjera opozitare. Por goditjen më të rëndë e ruajti për Lumir Abdixhikun, kryetarin e LDK-së.

Gazetari Baton Haxhiu gjatë së martës ka publikuar një shkrim të gjatë ku flet për politikën dhe akterët e saj në Kosovë.

Ai në kritikat e tij nuk ka ka kursyer asnjë nga liderët e partive politike por edhe përfaqësues të ndryshëm qeveritar e deputetë.

“Pjesa tjetër, ndërkaq, është punë e njohur. Lumiri kur vie puna te çëshjet e mëdha me Serbi zakonisht e mbyllë gojën sepse e di shumë më mirë se ne me çfarë punë merret një pjesë e familjes së tij”, ka shkruar ai.

Për kryetarin e PDK-së, Memli Krasniqi tha se po heshta “për shkak të shumë kusureve të tij që ia ka zbuluar Faton Peci e Albin Kurti, edhe për shkak të përcaktimit të tij të prerë për ta tjetërsuar PDK-në në një klub të përdalë gastronomësh.

“Si ka mundësi, Partia Demokratike e Kosovës, pasardhësja e UCK-së, të shitet deri në këtë ditë e të tmerrohet deri në palcë nga një Albin Kurt, i cili ua ndajti sistemin energjetik të Kosovës ndër sy? Këto janë pasoja kur braktisen idealet e partia në emër të qytetarisë iu besohet pianecëve, narkomanëve dhe tenderomanëve profesionist”,

Shtetasja gjermane që po lobon për heqjen e vizave për Kosovën

Shtetasja gjermane publikon letrën dërguar Macronit, me rreth 16 mijë nënshkrime kërkon liberalizimin e vizave për Kosovën.

Rreth 16 mijë qytetarë deri më tash kanë nënshkruar peticionin për heqjen e vizave për Kosovën, të cilin e ka iniciuar ditë më parë, këshilltarja lokale e Bashkimit Evropian.

Në prag të mbajtjes së Samitit të BE-së në Bruksel, Shchneeberger i ka shkruar letër presidentit të Francës, Emmanuel Macron, duke i kërkuar liberalizimin e vizave për Kosovën.

Në letrën e dërguar te presidenti Macron, Shchneeberger ka treguar se tri javë më parë ka qenë në Kosovë ku ka pasur përshtypje të mira – duke thënë se nuk është e drejtë që një popull brenda Evropës të jetë i izoluar.

“Njerëzit nuk mund të lëvizin lirshëm, nuk mund të shkojnë në festa familjare dhe bizneset përballen me vështirësi”, ka thënë ndër tjerash ajo.

Në letër tregohet se vizat kanë edhe shpenzime dhe kjo ia vështirëson jetën popullit të Kosovës.

Samiti i 23 qershorit është përmendur si datë ku mund të shprehet optimizëm për dhënien e dritës së gjelbër për lëvizjen e lirë të qytetarëve të Kosovës.

Kosova i ka përmbushur të gjitha kriteret për liberalizmin e vizave por Franca dhe Holanda konsiderohen dy shtetet më skeptike për këtë proces.