Votat që morën kandidatët e PDK’së në Malishevë

Në zgjedhjet e 14 shkurtit Partia Demokratike e Kosovës në Malishevë është radhitur e treta me 4 mijë e 266 vota.

Gazeta Infokus, ka siguruar listën e plotë, me votat që kanë marrë kanidatët e PDK’së në këtë komunë.

Në bazë të rezultateve, Enver Hoxhaj ka marrë numrin më të madh të votave , gjithsej 3239 vota.

Pas tij me 2321 vota është radhitur Gëzim Krasniqi.

Ndërsa Raimoda Krasniqi është e treta me numër më të madh të votave. Ajo ka siguruar 2032 vota.

Ndryshe, në nivel vendi PDK në zgjedhjet parlamentare është dalë partia e dytë, transmeton Teleshkronja Post.

Më poshtë e gjeni listën e plotë:

Numërohen 70% e votave, ky është rezultati (Grafika)

22:35 — KQZ-ja ka numëruar 70% të votave totale tashmë. Vetëvendosje po prin e para me 48.15% të votave. Ndërkohë e dyta është PDK me 17.67% të votave dhe e treta vjen LDK me 13.48% të votave, shkruan Express.

Aktualisht AAK ka 7.71% të votave. Kujtojmë se në zgjedhjet e fundit AAK kishte dalë 11.5%.

Nisma aktualisht ka 2.60% të votave, pamjaftueshëm për ta kaluar pragun.

Grafikoni i plotë i rezultatit zgjedhorë pas 70% të votave./TeleshkronjaPost.com/

Drenasi me përkrahje të jashtëzakonshme për PDK-në

Se Drenasi mbetët bastion i pathyeshëm i Partisë Demokratike të Kosovës, u vërtetua sonte në tubimin e PDK-së në Drenas.

Kryetari i Partisë Demokratike të Kosovës, njëherësh kandidati për kryeministër, Enver Hoxhaj në një tubim madhështor në Drenas ka prezantuar Planin e Rimëkëmbjes.

Hoxhaj ka thënë se Drenasi e Drenica i kanë dhënë Kosovës dy projekte të mëdha, UÇK-në dhe PDK-në, e fitorja e PDK-së në zgjedhjet e 14 shkurtit do të jetë jetësim i idealeve të dëshmorëve e heronjve te vendit.

“Fitorja e madhe e Partisë Demokratike të Kosovës i bjen nën një jetësim i idealeve të dëshmorëve, jetësim i idealeve të heronjve, jetësim i idealeve të veteranëve, të invalidëve të luftës, jetësim i idealeve të ish të burgosurve politik që i shoh sot këtu. I bie jetësim i idealeve edhe të UÇK-së edhe të PDK-së, se kah ka rrugëtuar UÇK ka rrugëtuar PDK, ka rrugëtuar liria dhe pavarësia e Kosovës”, ka thënë ai.

“Një parti politike që ka lind në stuhi, një parti politike që ka dal prej shtigjeve ku ka ec UÇK-ja, një parti politike e cila ka dalë me idealet kah kanë dalë të burgosurit politikë prej okupimit serb, natyrisht që më së paku ta ngritnim flamurin e bardhë. Unë jam këtu që t’i jetësojë idealet e të gjithë juve, të gjithë atyre në Republikë të Kosovës që i kanë besuar Hashim Thacit, Kadri Veselit, PDK-së, UÇK-së duke udhëhequr qeverinë e ardhshme të Kosovës”, ka thënë ai.

Po ashtu, ai ka thënë se fitorja e PDK-së do t’ua pamundësojë marrjen e shtetit në dorë atyre që nuk e kanë njohur dhe nuk e duan shtetin.

“Fitorja jonë do ta pengojë marrjen e shtetit në dorë dhe atyre të cilët nuk e kanë njohur, nuk e duan, nuk e çmojnë këtë shtet. Në këtë drejtim unë dua që askush tjetër në Drenicë, se Drenica është zemra e PDK-së, zemra e UÇK-së të merr vota përvec PDK-së , ka thënë ai.

Ndërsa, kryetari i Drenasit, Ramiz Lladrovci ka thënë se këto zgjedhje shumë të rëndësishme për PDK-në, jo vetëm për ta udhëhequr vendin, por edhe për ta mbrojtur shtetin tonë, të cilin e ndërtuam mbi gjakun dhe sakrificën e bijve e bijave më të mira të kombit.

“Dita e fitores po afron. Dilni e kërkoni votën për PDK-në në Komunën tonë dhe gjithandej ku keni familjarë, sepse keni argumente të mjaftueshme se jemi shembull në qeverisje, jemi shembull për performancë e transparencë. Ne dimë dhe kemi vullnet të punojmë për qytetarët dhe për Kosovën, sepse ne duam përparim. Sepse Kosova meriton më shumë. Kosova meriton më mirë.”, ka thënë ai.

Ndërsa kandidati për deputet Sejdi Hoxha ka thënë se kjo mbështetje nga Drenasi vjen fuqishëm për Hashim Thaçin e Kadri Veselin./TeleshkronjaPost/

Hoxhaj i PDK-së: Kurti po injoron qytetarët, regjimet autokratike ikin nga debati

Kandidati për kryeministër nga PDK, Enver Hoxhaj, bashkë me sekretarin e partisë, gjithashtu kandidat për deputet, Uran Ismailin, përmes një adresimi kanë shpalosur programin e rimëkëmbjes së shëndetësisë në Kosovë.

Përmes një adresimi që u transmetua në shumicën e televizioneve dhe mediave online në Kosovë, kandidati për kryeministër Enver Hoxhaj dhe kandidati për deputet Uran Ismaili, kanë shpalosur programin e PDK-së për Rimëkëmbjen e Shëndetësisë në Kosovë.

Ai, gjithashtu, pati edhe disa fjalë për Albin Kurtin, liderin e VV-së, i cili kishte refuzuar të dalë në debat me Hoxhajn, me ftesë të këtij të fundit.

Madje, Hoxhaj, për refuzimin e Kurtit për ballafaqim në debate, tha se vetëm regjimet autokratike e bëjnë këtë.

“Për fat të keq Vetëvendosje po i injoron qytatarët. Sepse nuk i respekton proceset demokratike. I intereson vetëm pushteti por jo qytetarët dhe interesi i tyre. Kjo parti dëshiron pushtetin, por nuk po na tregon cka do të bëjnë me pushtetin. Nuk dëshiron të diskutoj për programe me ne. Por kjo është shumë e gabuar. Vetëm regjimet autokratike e bëjnë këtë.”, ka thënë Hoxhaj.

Hoxhaj, gjithashtu tha se Lëvizjes Vetëvendosje iu është dhënë shanca që të formojë qeverinë vitin e kaluar dhe ata dështuan. Sipas tij, kjo parti përbëhet nga një njeri, i cili nuk mund të bashkëpunojë me askënd dhe nuk e respekton askënd.

“LVV-së i është dhënë shanca që të formojë qeverinë vitin e kaluar. Ata dështuan. Sepse kjo parti përbëhet nga një njeri.Albin Kurti nuk mund të bashkëpunoj me askënd. Ai e ka dëshmuar një gjë të tillë. Sepse ai nuk e respekton askend. Sepse nuk i respekton rregullat e një procesi demokratik. Sepse nuk i respekton institucionet tona.”, ka thënë Hoxhaj.

Tutje, Hoxhaj tha se Albin Kurti nuk e respekton procesin zgjedhor, ikë nga debatet dhe nuk i respekton qytetarët e as institucionet.

“Ai tha se do të jetë Kryeministri, por më lejoni t’i them unë atij diçka. Ai nuk është i denjë për të qenë Kryeministër.. Sepse është një njeri i vetëm. Sepse ai nuk mund të bashkëpunoj. Ai e ka dëshmuar veten e tij. Qytetarët ja kanë dhënë atij një shancë. Dhe ai e ka hedhur poshtë atë. Qeverisja e Shëndetshme është Puna në Ekip. Jo një shfaqje i një njeriu të vetëm si z. Kurti.”, u shpreh kandidati për kryeministër Hoxhaj.

Kujtojmë adresimin e javës së kaluar që kandidati për kryeministër e bëri bashkë me kandidatin për deputet Bedri Hamza, ku folën për programin e rimëkëmbjes ekonomike në Kosovë.

Memli Krasniqi: Unë do habitesha pse njerëzit e votojnë VV’në

Nënkryetari i Partisë Demokratike të Kosovës, Memli Krasniqi, është shprehur i habitur sesi njerëzit e votojnë subjektin politik Lëvizje Vetëvendosje.

Ai këto komente i ka bërë në emisionin ‘Pressing’, pasi u parashtrua pyetja nga analisti politik, Rron Gjinovci, se pse është votuar PDK pas vitit 2014, shkruan Gazeta Express.

“Në aspektin e lirisë personale, secili qytetar i Kosovës ka të drejtën me vendos për kë të votojë. Edhe unë me siguri, nëse do më pyesni, do të habitesha, përse njerëzit e votojnë partinë Vetëvendosje. Si njerëzit mund të manipulohen nga Albin Kurtid he nga fakti që njerëzit nuk mund ta vërejnë transformimin e tij të hatashëm nga ai që ka qenë dhe ai që është”, ka deklaruar ai.

Krasniqi, tutje ka thënë se PDK’ja nuk trajton vetëm aspektin individual por edhe krizën shoqërore që e ka kapluar vendin.

Kjo erdhi pas kërkimfaljes që bëri analisti Gjinovci në studio, duke thënë se qëllimi i tij nuk ishte ta fyej ndokë.

“Kërkoj falje sepse nuk është qëllimi im me i fy e ofendu njerëzit por si një observues, si një person që e ka përcjell politiken, prej 2014 deri më 2019 nuk kam parë asnjë reformë në PDK dhe arsye pse dikush ish dashtë me votu PDK’në”, tha Gjinovci.