Zyrtari i strukturave paralele Nedeljkoviq: Ka marrëveshje mes Lista Srpska dhe KFOR-it
Një zyrtar paralel i komunës së Zveçanit, Dragan Nedeljkoviq, ka pretenduar se ka një marrëveshje mes Listës Srpska dhe KFOR-it për t’i liruar katër serbët e arrestuar dje për shkak të dhunës që ushtruan gjatë protestës.
Po ashtu, ai pretendoi se deri në orën 15:00 pritet tërheqja e njësive speciale të Policisë së Kosovës nga ndërtesa e komunës.
Dragan Nedeljkoviq, anëtar i Autoritetit të Përkohshëm të Komunës së Zveçanit, ka thënë sot se janë arrestuar katër persona. Ai thekson se mbrëmë ka pasur negociata ndërmjet përfaqësuesve të Listës Serbe dhe komandantit të KFOR-it, i cili sipas Nedeljkoviqit ka ardhur sërish në Zveçan dhe, sipas tij, u ka konfirmuar se këta persona do të lirohen, raporton Kossev.
“Rreth orës 21:30 erdhi komandanti i KFOR-it dhe na tha mbrëmë se këta katër që u morën dje në paraburgim do të lirohen, por se po presin që të mbërrijnë letrat nga Prishtina”, ka thënë Nedeljkoviq për mediat para objekti i komunës në Zveçan sot.
Shikoni LIVE nga Zveçani protestuesit serb:
