Eksperti zbulon shifrat e çmendura që paguhen VIP-at për reklamë, Luizi kap vlerat më të mëdha

Eksperti Said Duleviç zbuloi për emisionin “Good Morning Albanians” në Euronews Albania se sa paguhen influencerët në rrjetet sociale për reklamimet e kompanive të ndryshme.

Ai tha se këto pagesa variojnë nga rëndësia e personazhit që i reklamon dhe nga numri i ndjekësve që ai ka. Duleviç zbuloi se një shembull shumë i mirë paguar për të bërë reklama është Luiz Ejlli, pagesat për të cilin janë 20 mijë euro e sipër.

“Kryesisht janë personazhet që kanë marrë shumë famë. Luizi i cili arriti të ketë një lloj audience shumë të lartë kap vlera më të mëdha. Ai ka bërë shumë pak reklama, kjo do të thotë se ato pak reklama që janë bërë janë bërë me shifra goxha të larta, pra kur ti bëhesh identitet i një brand-i shifrat mund të variojnë nga 20 mijë euro e sipër.”

Duleviç më tutje theksoj se shifrat e përfitimeve varijojnë normalisht në bazë të numrit të ndjekësve në rrjetet sociale, transmeton TeleshkronjaPost.com.

“Kjo shifër është me meritë deri diku. Postimet të vipa-ve variojnë nga 3000 euro në 5000 euro nga personazhe që kanë pasur mbi 150 mijë ndjekës”,-tha Said Duleviç.

Ndryshe, Luiz Ejlli, këngëtari nga shkodra, ish-diplomati, edicionin e kaluar të Big Brother Albania u shpall fitues i kompeticionit.