Vuçiq: Jam për kufijtë ekzistues në Ballkan, “me Kosovën brenda Serbisë”

Presidenti i Serbisë, Aleksandar Vuçiq, ka deklaruar se nuk e ka parë dokumentin “mon-paper” që pretendohet se ishte dorëzuar në Bruksel presidentit të Këshillit Evropian, Charles Michel, nga kryeminsitri slloven Janez Jansha, e sipas të cilit parashihet që Republika Srpska t’i bashkangjitet Serbisë, kurse Kosova Shqipërisë.

Presidenti serb ka thënë se angazhohet për kufijtë ekzistues të Serbisë, me Kosovën brenda dhe me Bosnjën dhe Hercegovinën me Republikën Srpska.

“Unë nuk mund të pajtohem me bashkimin e Kosovës dhe Shqipërisë, unë duhet të respektoj integritetin territorial të Bosnje dhe Hercegovinës”, tha Vuçiq për B92.

“Për ne, gjëja më e rëndësishme është paqja dhe stabiliteti i plotë”, tha Vuçiq, duke shtuar se kjo përfshinte vazhdimin e dialogut me Kosovën, përcjell Telegrafi.

Kryeministri Slloven Janez Jansha ka mohuar pretendimet e mediave se ai i ka dorëzuar një dokument ‘non-paper” Presidentit të Këshillit Evropian, Charles Michel, i cili parashikon rishikimin e kufijve në Ballkan.

Serbian President Aleksandar Vucic gestures as he speaks during a joint press conference with Russian Prime Minister Dmitry Medvedev after their meeting in Belgrade, on October 19, 2019. – Medvedev arrived on a one-day official visit to Serbia during which he attend military parade commemorating the 75th anniversary of the liberation of the Serbian capital from the Nazi Germany. (Photo by Andrej ISAKOVIC / AFP)

Lidhur me komentet e Timothy Les, një studiues në Qendrën Britanike për Gjeopolitikë dhe ish-diplomat, i cili komentoi mbi përmbajtjen e letrës “non-paper” të autorizuar nga kryeministri slloven Janez Jansha, Vuçiq tha se lind pyetja se si ata nga shoqëria civile nuk reaguan për bashkimin e Kosovës dhe Shqipërisë.

Sipas tij, paralajmërime të tilla [ridefinimin e kufijve të Ballkanit] vijnë nga ata që në mënyrë të paligjshme filluan të copëtonin territorin e Serbisë.

“Çdo ditë keni kërcënime për bashkimin e Kosovës dhe Shqipërisë nga Tirana dhe Prishtina, dhe ata heshtin çdo ditë. Ata e duan Kurtin. Nga Rada Trajkoviq, Vuk Jeremiq, Dragan Gjilas, të gjithë e duan Kurtin që qëndron për Shqipërinë e Madhe”, tha Vuçiq.

Ai shtoi se përfaqësuesit e asaj shoqërie civile nuk ishin “çmendur” nga bashkimi i Kosovës dhe Shqipërisë, por nga fakti që dikush përmendi Republikën Srpska.

“Ne nuk ishim gjithmonë lule dhe vetëm të tjerët kishin faj. Por nëse mendoni se do të arrini një kompromis në atë mënyrë, është e qartë që ju nuk e doni atë, ju doni që ai konflikt i ngrirë të mbetet”, tha Vuçiq.

Ai tha se pozicionet e Serbisë dhe Kosovës janë diametralisht të kundërta, por se do të punonohet për përafrim përmes bisedimeve në Bruksel.

“Unë mendoj se është më mirë të mos kesh një konflikt të ngrirë, sesa të kesh një të tillë,” tha Vuçiq, duke shtuar se negociatat me Prishtinën nuk do të vazhdojnë në Paris, por në Bruksel.

Vuçiq tha se për paralajmërimin e Presidentes së Kosovës Vjosa Osmani, se do të padisë Serbinë për dëmet e luftës, ai vetëm mund të “buzëqeshë thartë” dhe të pyesë “pse e gjithë kjo?”.

Presidenti serb tha se e tërë kjo për të është e pakuptimtë dhe se thjesht nuk ka fjalë.Vuçiq ka thënë se së shpejti do të udhëtojë në Bruksel për vizitë. /TeleshkronjaPost/

Sa deputetë votuan pro Qeverisë Kurti II ?

Pasi Kuvendi i Kosovës zgjodhi Glauk Konjufcën kryetar të Kuvendit, në parlamentin e Kosovës është votuar Qeveria e re.

Albin Kurti është përsëri kryeministër i Kosovës, një vit pasi ishte shkarkuar në kohë pandemie.

Me 67 vota pro dhe 30 vota kundër, Kurti ka marrë besimin e popullit dhe të deputetëve për të qeverisur vendin, transmeton Gazeta TeleshkronjaPost.

Brenda pak ditëve në Kuvendin e Kosovës është paralajmëruar edhe votimi për presidentin e vendit, me kandidaten për presidente nga koalicioni qeveriës, Vjosa Osmani.

Zëvëndëskryeministër i parë në Qeverinë Kurti është emëruar Besnik Bislimi, zëvëndëskryeministre dhe ministre e Punëve të Jashtme, Donika Gërvalla, zëvëndësministri e tretë, Emilia Redzepi. Ministre e Arsimi, Shkencës dhe Teknologjisë do të jetë Arbërie Nagavci.

Ministër i Ministrisë së Kulturës, Rinisë dhe Sportit do të jetë Hajrullah Çeku.

Ministër i Minsitrisë së Administrimit Lokal do të jetë Elbert Krasniqi.

Ministër i Ministrisë së Mjedisit, Planifikimit Hapësinor dhe Infrastrukturës do të jetë Liburn Aliu.

Ministër i Ministrisë së Bujqësisë dhe Pylltarisë dhe Zhvillimit Rural do të jetë, Faton Peci.

Ministër i Ministrisë së Mbrojtjes do të jetë Armend Mehaj.

Ministër i Ministrisë së Punëve të Brendshme dhe Administratës Publike, Xhelal Sveçla.

Ministre e Ministrisë së Industrisë, Ndërmarrësisë dhe Tregtisë, Rozeta Hajdari.

Ministre e Ministrisë së Ekonomisë, Artane Rizvanolli.

Ministër i Ministrisë për Komunitete dhe Kthim është i rezervuar për një kandidat nga Lista Serbe.

Ministër për Ministrinë e Zhvillimit Rajonal është Fikrim Damka./TeleshkronjaPost/

Votat që morën kandidatët e PDK’së në Malishevë

Në zgjedhjet e 14 shkurtit Partia Demokratike e Kosovës në Malishevë është radhitur e treta me 4 mijë e 266 vota.

Gazeta Infokus, ka siguruar listën e plotë, me votat që kanë marrë kanidatët e PDK’së në këtë komunë.

Në bazë të rezultateve, Enver Hoxhaj ka marrë numrin më të madh të votave , gjithsej 3239 vota.

Pas tij me 2321 vota është radhitur Gëzim Krasniqi.

Ndërsa Raimoda Krasniqi është e treta me numër më të madh të votave. Ajo ka siguruar 2032 vota.

Ndryshe, në nivel vendi PDK në zgjedhjet parlamentare është dalë partia e dytë, transmeton Teleshkronja Post.

Më poshtë e gjeni listën e plotë:

E FUNDIT: Isa Mustafa jep dorëheqje si kryetar i LDK-së

Isa Mustafa do të japë sot dorëheqje nga posti i kryetarit të LDK-së gjatë mbledhjes së kryesisë së partisë

Burime të lajmi.net brenda LDK-së bëjnë të ditur se Mustafa ka vendosur të tërhiqet nga roli drejtues pas rezultatit dëshpërues në zgjedhjet e 14 shkurtit.

Vendimi pritet të konfirmohet gjatë mbledhjes së kryesisë së LDK-së që tashmë ka filluar.

Partia e Mustafës ka shënuar humbjen më të thellë në historinë e saj në zgjedhjet e djeshme.

LDK nuk ka fituar në asnjë komunë ndërsa ka humbur thellë edhe në komunat ku udhëheqin zyrtarë të këtij subjekti politik.Kur janë numëruar 99.23% të votave, LDK-ja renditet në vendin e tretë me 102 mijë e 959 vota apo 13,08%./TeleshkronjaPost/

Avdullah Hoti lajmërohet pas humbjes katastrofale të LDK-së

Kandidati i LDK’së për kryeministër, Avdullah Hoti, ka mbajtur një konferencë pas numërimit të shumicës së votave të zgjedhjeve parlamentare të 14 shkurtit.

Hoti ka thënë në konferencë se do marrë përgjegjësinë e plotë për rezultatin e LDK’së, e cila ka marrë deri më tani 13,33 për qind në nivel qendror, shkruan Gazeta Express.

“Para jush, e marr përgjegjësinë e plotë për rezultatet. Në ditët në vijim do të diskutoj me organet e LDK’së për përgjegjësinë time në këto zgjedhje”, ka deklaruar Hoti.

“Pres që KQZ-ja të përmbyllë sa më parë procesin e numërimit të votave dhe certifikimit të rezultateve, që t’i hapet rrugë themelimit të institucioneve të reja të vendit”, ka thënë ndër të tjera ai.

Megjithatë, kandidatin për kryeministër e ka mbrojtur kryetari i LDK’së, Isa Mustafën, duke thënë se ai ka bërë një punë të shkëlqyer përgjatë fushatës.

“Z. Hoti ka bërë një punë të shkëlqyeshme si Kryeministër por edhe gjatë fushatës. Çfardo të jetë, LDK e respekton rezultatin e zgjedhjeve”, ka shkruar ai.