Rrëfimi emocional i Endrit Thaçit, tregon se kur babai i tij e pa për herë të parë

Endrit Thaçi, djali i ish-Presidentit Hashim Thaçi, në Ditën e Pavarësisë, si asnjëherë më parë, ka treguar për lindjen e tij dhe takimin e parë me babain e tij.

“Unë kam lindur në Cyrih të Zvicrës më 1999, në muajin prill – atë kohë kur babi me shokët e tij ishin në fushëbetejë”, ka thënë Endriti për Nacionale.

“Nana atë kohë ishte e vetme, ishte kohë e vështirë për familjen tonë, sepse në ditën kur linda unë asaj i vdiq nëna, ndërsa pas pak kohe në masakrën e Studimes iu vra edhe vëllau dhe djali i vëllaut”, rrëfen Endriti historinë e tij.

“Ne në Kosovë jemi kthyer pak pas luftës, unë i kam pas gjashtë muaj, dhe atëherë babi më ka pa për herë të parë”, zbulon ai në intervistën e tij të rrallë./TeleshkronjaPost/