ZYRTARE: Real Madridi njofton të ardhmen e Karim Benzemas

Klubi spanjoll, Real Madridi e ka konfirmuar largimin e sulmuesit Karim Benzema nga klubi.

Ata njoftuan për largimin e Topit të Artë 2022 përmes një komunikate në platformat e tyre në mediat sociale, transmeton TeleshkronjaPost.

Francezi largohet nga Reali me një bollëk medaljesh, prej tyre pesë të arta si kampion i Evropës. Ai numron 25 trofe me fanellen e Los Blancos, mes tyre edhe 5 Liga të Kampionëve.

Karim Benzema si 21 vjeçarë u transferua tek Los Blancos nga klubi francez Lyon.

El Tigre iu bashkua klubit në vitin 2009. Gjatë katërmbëdhjetë sezoneve në të cilat ai ka përfaqësuar fanellën e Realit, ai ka fituar 25 tituj, një numër rekord për çdo lojtar të Real Madridit:

5 Kupa Evropiane, 5 Kupa Botërore për Klube, 4 Superkupa Evropiane, 4 Liga, 3 Kupa të Mbretit. dhe 4 Superkupa të Spanjës. / TeleshkronjaPost.com